هو شاب طبيعى عمره 18 عام ، عايش حياة عادية جدا ،الى يوم وهو فى المدرسة الثانوية ويلعب كرة سلة وألعاب قوى خاصة الجري شعره بألم فى رجله وقرر الذهاب للدكتور ليعرف مصدر الألم ، وبعد الفحوصات اكتشف ان مصاب بسرطان فى العظام !!
تيرى فوكس كان بيخضع للعلاج الكيميائى كأي مريض سرطان لكن فى يوم وهو حلم بشيء غير مسار حياته، حلم بانه سيقطع كندا كلها على رجليه ! فاستغرب جدا لكن قرر ينفذ الحلم
و كالعادة الدنيا لم تكن مع الحلم تيري واكتشف ان رجله اليمين سوف تقطع !! السرطان كان على وشك يدمر حلمه ، بس هو قرر يحقق الحلم حتى لو برجل صناعية وصمم يلبس شورت الجرى رغم الرجل الصناعية ولم يشعر بأى احساس بالحرج ..
الجرى ، تيرى كان بيجمع دولار من كل مواطن كندى يقابله ، و قرر يدفع المبلغ عشان يقضى على الوحش اللى بيهاجم شباب كتير وبيقتل أحلامهم، لحد ما جمع 28 مليون دولار واتبرع لمراكز أبحاث علاج السرطان
تيرى عاند السرطان عشان يحقق حلمه، لكن للأسف السرطان انتقل لرئته ، وبدأ ينتشر فى أجزاء جسمه كلها لحد ما مات بالبطئ ! وتكريما لدوره وإصراره فى كندا عملوله تمثال تخليداً لذكراه
صحيح تيرى مات بس لحد الان فى أكتر من 60 دولة حول العالم بيستخدموا الفلوس اللى جمعها فى علاج السرطان، غير ان عمل ماراثون باسمه سنويا ويعتبر من أكبر ماراثونات الجرى وأشهرها حول العالم ، وفى الماراثون بيتم جمع التبرعات لعلاج السرطان
أنت هتعمل ايه يرتبط باسمك بعد ما تموت ؟
